କୁମ୍ଭାର ବନ୍ଧର ଶକ୍ତି ପିଠ ଭଟ୍ଟାରିକା ମନ୍ଦିର
ଝାରସୁଗୁଡ଼ା ଜିଲ୍ଲାର ସଦର ମହକୁମାଠାରୁ ପ୍ରାୟ ୪୦ କିଲୋ ମିଟର ଦୂରତା ତିଲିଆ ଗ୍ରାମ ପଞ୍ଚାତର ଅନ୍ତର୍ଗତ କୁମାର ବନ୍ଧ ନାମ ଏକ ପ୍ରାଚୀନ ଗ୍ରାମ ଅବସ୍ଥିତ । ଅତୀତରେ ଏହି ଗ୍ରାମରେ ଅନେକ କୁମ୍ଭାର ସମ୍ପ୍ରଦାୟର ଲୋକମାନେ ବସବାସ କରି ଅନେକ ବନ୍ଧ ବା ପୁଷ୍କରିଣୀ ନିର୍ମାଣ କରିଥିବେ। ସମ୍ଭବତ ସେଇଥିପାଇଁ ଏହି ପଲ୍ଲୀର ନାମକରଣ କୁମ୍ଭାରବନ୍ଧ ହୋଇଛି । ଏହି ଗ୍ରାମରେ ଯାତୁକର୍ଣ୍ଣ ଗୋତ୍ରୀୟ ଆରଣ୍ୟକ ବ୍ରାହ୍ମଣ ସମ୍ପ୍ରଦାୟର ପରିବାର ବାସ କରୁଛନ୍ତି । ଏମାନଙ୍କ ଇଷ୍ଟଦେବୀ ଭଟ୍ଟାରିକାଙ୍କୁ ଗ୍ରାମ ଉପକଣ୍ଠରେ ଥିବା ଗୋଟିଏ କ୍ଷୁଦ୍ର ପାହାଡ଼ ଶୀର୍ଷରେ ମନ୍ଦିର ତିଆରି କରାଯାଇ ପୂଜା ଉପାସନା କରାଯାଉଛି ।
( ଭଟ୍ଟାରିକା ମନ୍ଦିର )
ଇତିହାସ
ଶକ୍ତିପୀଠ ବିଷୟରେ ଅଧ୍ୟୟନ କଲେ ଜଣାଯାଏ ଯେ ,ଦଣ୍ଡକାରଣ୍ୟରେ ବାସ କରୁଥିବା ମହର୍ଷି ଅଗସ୍ତ୍ୟ କୁମ୍ଭାର ବନ୍ଧର ଯାତୁକର୍ଣ୍ଣ ଗୋତ୍ରୀୟ ବ୍ରାହ୍ମଣମାନଙ୍କର ପୂର୍ବଜ ଅଟନ୍ତି । ଯାତୁ କର୍ଣ୍ଣ ବ୍ରାହ୍ମଣମାନଙ୍କ ବଂଶଜ ବିଷ୍ଣୁ ଶର୍ମଣ ପଣ୍ଡା ବୌଦ୍ଧ ରାଜ୍ୟର ମହାନଦୀ ଉପକୂଳରେ ଅବସ୍ଥିତ ସୂର୍ଯ୍ୟ- ଭଟ୍ଟାରିକାଙ୍କୁ ଇଷ୍ଟଦେବତା ରୂପେ ପୂଜା ଅର୍ଚ୍ଚନା କରୁଥିଲେ । ପୂର୍ବେ ରାଜୋପାଧିକ ପ୍ରାପ୍ତ ବିଷ୍ଣୁ ଶର୍ମଣ ପଣ୍ଡା କୌଳିକ ଯଜ୍ଞାନୁଷ୍ଠାନ କରି ନିଜର ଭରଣ ପୋଷଣ କରୁଥିଲେ । କାଳକ୍ରମେ ସମ୍ବଲପୁର ରାଜାଙ୍କ ସାଦର ଆମନ୍ତ୍ରଣରେ ସମ୍ବଲପୁର ଆଗମନ କରିଥିଲେ । ସମ୍ବଲପୁରରେ ଅତିବାହିତ କରିବା ସମୟରେ ତାଙ୍କର ଧର୍ମ ପତ୍ନୀ ଗର୍ଭବତୀ ହୋଇଥିଲେ । ତାଙ୍କ ଧର୍ମ ପତ୍ନୀ ଗର୍ଭବତୀ ଥିବା ସମୟରେ ତାଙ୍କର ହଠାତ୍ ମୃତ୍ୟୁ ବରଣ ଘଟିଥିଲା । ଅସହାୟ ବିଧବା ପତ୍ନୀ କୁମ୍ଭାର ବନ୍ଧ ପଶ୍ଚିମରେ ଥିବା ସମଲାଇଟିକ୍ରା ନାମକ ଅଖ୍ୟାତ ପଲ୍ଲୀର ଅଧିବାସୀ ଦୟାନିଧି କୁମ୍ଭାର ନାମକ ଜଣେ ଶୁଦ୍ର ପରିବାର କୁଟୀରରେ ଆଶ୍ରୟ ନେଇଥିଲେ । କିଛି ମାସ ମଧ୍ୟରେ ବ୍ରାହ୍ମଣୀ ଗର୍ଭରୁ ବଂଶରକ୍ଷା ସ୍ୱରୂପ ପୁତ୍ର ସନ୍ତାନ ଜାତ ହୋଇଥିଲା । ବ୍ରାହ୍ମଣୀଙ୍କ ଏକ ମାତ୍ର ପୁତ୍ର ଆୟୁଷ ବୃଦ୍ଧି ଘଟି 'ଅଇଁଠା' ପଣ୍ଡା ନାମରେ ସୁପରିଚିତ ହୋଇଥିଲା ।
ଖ୍ରୀଷ୍ଟୀୟ ଏକାଦଶ ଶତାବ୍ଦୀରେ ମଧ୍ୟ ଭାଗ ଭାରତର ଡାହାଳ କଲାଚୁରୀ ବଂଶୀୟ ରାଜା ଗାଙ୍ଗେୟ ଦେବ ଉତ୍କଳର ସୋମବଂଶୀ ରାଜା
ଯଯାତି ମହାଶିବଗୁପ୍ତ ( ଦ୍ଵିତୀୟ )ଙ୍କ ରାଜ୍ୟ ଆକ୍ରମଣ କରିଥିଲେ । ରାଜା ଗାଙ୍ଗେୟ ସାମନ୍ତ ରାଜ୍ୟ ଦ୍ଵାରା ତୁଶାନ ଓ ତ୍ରିପୁରୀ ଏହି ଯୁଦ୍ଧରେ ସମ୍ମିଳିତ
ହୋଇଥିଲେ । ଦକ୍ଷିଣ କୋଶଳ ଅନ୍ତର୍ଗତ ‘ତୁମ୍ମାନ’ ରାଜ୍ୟର
ସାମନ୍ତ ରାଜା କମଳରାଜ ( ୧ ୦ ୨୦ ୧୦୪୫ ଖ୍ରୀ )ଉଭୟ ତୁଶାନ ଓ ତ୍ରିପୁରୀ ସୈନ୍ୟବାହିନୀର
ନେତୃତ୍ଵ ନେଇଥିଲେ । ଗାଙ୍ଗେୟ ଦେବଙ୍କ ଉପୋରୋକ୍ତ ସାମନ୍ତ ରାଜାମାନେ
ଉତ୍କଳର ସୋମବଂଶୀ ରାଜା ଯଯାତି ( ଦ୍ୱିତୀୟ )ଙ୍କ ସାମ୍ରାଜ୍ୟର କୋଶଳ ଖଣ୍ଡ
ଉପରେ ଆକ୍ରମଣ କରି କୋଶଳ ଖଣ୍ଡ ଅଧିକାର କରି ପକାଇଥିଲେ । ଯୁଦ୍ଧରେ ଅର୍ଜିତ ଭୂଖଣ୍ଡ ଏବଂ ଅସଂଖ୍ୟ ଗଜ ରାଜା ଗାଙ୍ଗେୟ ଦେବଙ୍କୁ ସମର୍ପଣ
କରିଥିଲେ ।
ପିତା ଗାଙ୍ଗେୟ ଦେବଙ୍କ ମୃତ୍ୟୁ ପରେ ତାଙ୍କ ପୁତ୍ର ମୁଗଧତୁଙ୍ଗ ରାଜ ସିଂହାସନରେ ଅଭିଷିକ୍ତ
ହୋଇଥିଲେ । ସେ ପିତାଙ୍କ ପରି ଉତ୍କଳର ସୋମବଂଶୀ
ରାଜା ଯଯାତି ଶିବଗୁପ୍ତ ( ଦ୍ବିତୀୟ )ଙ୍କ ସାମ୍ରାଜ୍ୟ ଉପରେ ଆକ୍ରମଣ କରି ସମୁଦ୍ର ଉପକୂଳ ଅନେକ
ଅଞ୍ଚଳ ଅଧିକାର କରିବାରେ ସକ୍ଷମ ହୋଇଥିଲେ ।
ତ୍ରିପୁରୀର କଲଚୂରୀ ରାଜା ଗାଙ୍ଗେୟ ଦେବଙ୍କ ପରେ ତାଙ୍କ ପୁତ୍ର ମୁଗ୍ଧତୁଙ୍ଗ ରାଜ ସିଂହାସନରେ
ଅଭିଷିକ୍ତ ହୋଇଥିଲେ ଏବଂ ପିତାଙ୍କ ପରି ସେ ମଧ୍ୟ ଉତ୍କଳ ଆକ୍ରମଣ କରି ସୋମବଂଶୀ ରାଜା ଯଯାତି
ଶିବଗୁପ୍ତ ( ଦ୍ବିତୀୟ ) ଙ୍କ ସାମ୍ରାଜ୍ୟର ସମୁଦ୍ର ଉପକୂଳବରୀ ଅନେକ ଅଞ୍ଚଳ ଅଧିକାର
କରିନେଇଥିଲେ । ବଡମ୍ବାର ମହାନଦୀ ଅବବାହିକାରେ କଲାଚୁରୀ
ରାଜତ୍ଵକାଳୀନ କେତୋଟି ସ୍ଵର୍ଣ୍ଣ ମୁଦ୍ରା
ଉଦ୍ଧାର କରାଯାଇଛି, ଯାହା ଘଟଣାର ପ୍ରମାଣ ରୂପେ ଗ୍ରହଣ କରାଯାଇ ପାରେ । ବଡ଼ମ୍ବାର ମହାନଦୀ କୂଳରେ ଏହି ପ୍ରାଚୀନ ଶକ୍ତି ପିଠ ତ୍ରିପୁରୀର କଲାଚୁରୀ ବଂଶୀୟ
ରାଜା ମୁଗଧତୁଙ୍ଗ ନିର୍ମାଣ କରିଥିଲେ ବୋଲି
ଅନୁମାନ କରାଯାଏ । ସେ ମାଁଙ୍କ ପରମ ଭକ୍ତ ଥିଲେ
ଏବଂ ମନ୍ଦିରରେ ଦେବୀ ଭଟ୍ଟରିକାଙ୍କ ପୂଜା ସେବାର ବ୍ୟବସ୍ଥା ମଧ୍ୟ କରାଇଥିଲେ ।
ଏହି ପ୍ରାଚୀନ ଶକ୍ତିପୀଠରେ ଭଟ୍ଟାରିକା
ମନ୍ଦିର ନିର୍ମାଣ କରି ଦେବୀଙ୍କ ପୂଜାର୍ଚ୍ଚନା ବ୍ୟବସ୍ଥା କରାଇଥିଲେ ବୋଲି ଅନୁମାନ କରାଯାଏ ।
ଏହି ଶକ୍ତି ପୀଠରେ ଭୌମକର ଓ ସୋମ ବଂଶୀ ର ସାମନ୍ତ ରାଜା ମାନେ ଦେବୀ ଭଟ୍ଟାରିକାଙ୍କୁ ନିଜ ଇଷ୍ଟଦେବୀ ରୂପେ ପୂଜା ଉପାସନା କରି ପରମ ଭଟ୍ଟାରିକ ଉପାଧି ଗ୍ରହଣ କରିଥିଲେ । ସମ୍ଭବତଃ ଏହି ଗୋତ୍ରୟ ବ୍ରାହ୍ମଣମାନେ ଦଣ୍ଡକାରଣ୍ୟରୁ ଆସି ଓଡ଼ିଶାରେ ସର୍ବପ୍ରଥମେ ବଡ଼ମ୍ବା ଅଞ୍ଚଳରେ ବସବାସ ଆରମ୍ଭ କରିଥିଲେ । କଟକ ଜିଲ୍ଲାର ବଡ଼ମ୍ବା ନିକଟରୁ ମାତ୍ର ଛଅ ମାଇଲ ବ୍ୟବଧାନରେ ମହାନଦୀ କୂଳରେ ଦେବୀ ଭଟ୍ଟାରିକାଙ୍କ ପ୍ରାଚୀନ ଶକ୍ତିପୀଠ ଅବସ୍ଥିତ ।
ଏହିପରି ଭାବରେ ଦଣ୍ଡକାରଣ୍ୟର ଯାତୁ କର୍ଣ୍ଣ ଗୋତ୍ରୀୟ ଆରଣ୍ୟକ ବ୍ରାହ୍ମଣମାନଙ୍କ ବଂଶଧର ଯଥାକ୍ରମେ ବଡମ୍ବା , ବୌଦ୍ଧ
, ସମ୍ବଲପୁର ଅତିକ୍ରମ କରି କୁମ୍ଭାରବନ୍ଧର ଏହି ଅଖ୍ୟାତ
ପଲ୍ଲୀ ମାଟିରେ ପାଦ ଦେଇଥିଲେ । ଫଳ ସ୍ଵରୂପ
ତାଙ୍କ ପୁତ୍ର , ପୌତ୍ରାଦି ଜନ୍ମ ହୋଇ ବଂଶବୃଦ୍ଧି ଘଟିଥିଲା । ତେଣୁ 'ପଣ୍ଡା’ ସଂଜ୍ଞା ଧାରୀ ଏହି ଆରଣ୍ୟକ ବ୍ରାହ୍ମଣମାନେ ନିଜ ପୂର୍ବପୁରୁଷଙ୍କ ଇଷ୍ଟଦେବୀ ଭଟ୍ଟାରିକା
ପ୍ରତିମା ସ୍ଵଗୃହରେ ସ୍ଥାପନ କରି ନିୟମିତ ପୂଜା ଉପାସନା କରୁ ଥିଲେ ।
 |
| ( ପ୍ରବେଶ ଦ୍ଵାର ) |
ନିର୍ମାଣ
ଅନେକ ବର୍ଷ ଧରି ଗ୍ରାମ ବାସୀ ମନ୍ଦିର ନିର୍ମାଣ ପାଇଁ ଉଦମ୍ୟ କଲା ପରେ, ଲଖନପୁର ବ୍ଲକର ତତ୍କାଳୀନ ଚେୟାରମ୍ୟାନ୍ ଶ୍ରୀ ଗିରିଧାରୀ ପଣ୍ଡା ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ କରିଥିଲେ । ୧୯୮୫ ମସିହାରେ ଭୂମି ପୂଜା କରାଯାଇଥିଲା ଏବଂ ସ୍ୱର୍ଗତ ରବୀନ୍ଦ୍ର କୁମାର ପଣ୍ଡାଙ୍କ ଦ୍ୱାରା ଭିତ୍ତି ପ୍ରସ୍ତର ସ୍ଥାପନ କରାଯାଇଥିଲା। କୁମ୍ଭାରବନ୍ଧ ଗ୍ରାମର ପୂର୍ବପ୍ରାନ୍ତରେ ଥିବା କ୍ଷୁଦ୍ର ପାହାଡ଼ ଉପରେ ୧୯୯୩ ମସିହାରେ ନୂତନ ମନ୍ଦିର ପ୍ରତିଷ୍ଠା କରାଯାଇଥିଲା । ମନ୍ଦିର ସମ୍ପୂର୍ଣ୍ଣ ନିର୍ମାଣ ପାଇଁ ପ୍ରାୟ ୧୨ ବର୍ଷ ସମୟ ଲାଗିଥିଲା । ମନ୍ଦିରଟି ଆଧୁନିକ ମନୋରମ ଶୈଳୀରେ ନିର୍ମିତ ହୋଇଛି । ମନ୍ଦିର ଗର୍ଭଗୃହ ଭିତରେ ଶଙ୍ଖ ମର୍ମର ପ୍ରସ୍ତର ପ୍ରତିମା ଦେବୀ ଭଟ୍ଟାରିକା ଉତ୍ତରମୁଖୀ ଭାବରେ ପଦ୍ମ ଉପରେ ବିରାଜିତ ହୋଇଅଛନ୍ତି । ୧୪ ଏପ୍ରିଲ୍ ୧୯୯୪ରେ ଦେବୀ ସେବା ପୂଜା ଆରମ୍ଭ କରାଯାଇଥିଲା । ତେବେ ମନ୍ଦିର ନିର୍ମାଣ ପାଇଁ ପଣ୍ଡା ବ୍ରାହ୍ମଣ ସମ୍ପ୍ରଦାୟ ମଧ୍ୟ ଆବଶ୍ୟକୀୟ ଅର୍ଥ ସାହାଯ୍ୟ ଦେଇଥିଲେ । ଏହି ମନ୍ଦିର ପରିଚାଳନା କମିଟିରେ ସଭାପତି ଏବଂ ସଂପାଦକ ରୂପେ ଯଥାକ୍ରମେ - ଗିରୀଶ ରଞ୍ଜନ ପଣ୍ଡା ଏବଂ ସଂଜୀବ ପଣ୍ଡା ଦାୟିତ୍ଵ ବହନ କରି ଅଛନ୍ତି । ଏହା ବ୍ୟତୀତ ସଂପୃକ୍ତ ପଣ୍ଡା ପରିବାରର ଝାରମୁଣ୍ଡା ଗ୍ରାମ ସ୍ଥିତ ଇଜ୍ମାଇଲି ଜମିରୁ ପ୍ରାୟ ୨ ଏକର ଜମି ମନ୍ଦିରର ଭୋଗ ଏବଂ ସେବା କାର୍ଯ୍ୟ ବାବଦକୁ ଦେଇଛନ୍ତି । ମନ୍ଦିର ପୂର୍ବ ପାର୍ଶ୍ଵରେ ଭଗବାନ ଶିବ ଏବଂ ପଶ୍ଚିମ ପାର୍ଶ୍ଵରେ ଶ୍ରୀ ହନୁମାନ ସ୍ଵତନ୍ତ୍ର ଭାବରେ ମନ୍ଦିର ପ୍ରତିଷ୍ଠିତ ହୋଇଛି । କୁମ୍ଭାର ବନ୍ଧ ବାସିନ୍ଦା ଉତ୍କଳୀୟ ଭରଦ୍ଵାଜ ଗୋତ୍ରୀୟ ବ୍ରାହ୍ମଣ ଚିନ୍ତାମଣି ଦାଶକ ବଂଶଧର ପୂର୍ଣ୍ଣଚନ୍ଦ୍ର ଦାଶ ( ୪୦ବର୍ଷ ) ଗତ କିଛିବର୍ଷ ହେଲା ଏହି ଭଟ୍ଟାରିକା ମନ୍ଦିରର ପୂଜକ ରୂପେ ସେବାପୂଜା ଦାୟିତ୍ଵ ନିର୍ବାହ କରି ଆସୁଥିଲେ ।
 |
| ( ଦେବୀ ଭଟ୍ଟାରିକା ) |
ପୂଜା ଓ ଉତ୍ସବ
କୁମ୍ଭାରବନ୍ଧର ଏହି ଶକ୍ତି ପୀଠରେ ପ୍ରତ୍ୟହ
ସକାଳ ୬ଟାରୁ ଦିନ ୧୧ ଟା ପର୍ଯ୍ୟନ୍ତ ଏବଂ ସନ୍ଧ୍ୟା
୫ ଟା ରୁ ୮ଟା ପର୍ଯ୍ୟନ୍ତ ଦେବୀଙ୍କର ପୂଜାର୍ଚ୍ଚନା କରାଯାଏ। ପ୍ରତ୍ୟେକ ମଙ୍ଗଳବାର ଦିନ
ଦେବୀ ଭଟ୍ଟାରିକାଙ୍କର ସୁନାବେଶ ସମ୍ପନ୍ନ ହୁଏ । ଶାରଦୀୟ କୃଷ୍ଣ ପକ୍ଷ ଅମାବାସ୍ୟାଠାରୁ
ପୂର୍ଣ୍ଣମୀ ପର୍ଯ୍ୟନ୍ତ ଏହି ଶକ୍ତିପୀଠରେ ଦେବୀଙ୍କ ବିଶେଷ ପୂଜା ମହୋତ୍ସବ ଆୟୋଜିତ ହୋଇଥାଏ ।
ଏହା ବ୍ୟତୀତ ଚୈତ୍ରମାସ ପୂର୍ଣ୍ଣିମା ତିଥିରେ ଭଟ୍ଟାରିକା ମନ୍ଦିରରେ ଶ୍ରୀ ଚଣ୍ଡୀ ପାଠ
କରାଯାଇଥାଏ । ଏଠାରେ ଚୈତ୍ର ମେଳା ଆୟୋଜିତ
ହୋଇଥାଏ , ଏହି ଅବସରରେ ପାର୍ଶ୍ୱବର୍ତ୍ତୀ ଗ୍ରାମାଞ୍ଚଳରୁ ହଜାର ହଜାର ଭକ୍ତ ନରନାରୀ ଦେବୀଙ୍କ
ଦର୍ଶନ ପାଇଁ ଏଠାରେ ସମବେତ ହୁଅନ୍ତି । ଏହି
ଶକ୍ତି ପୀଠ ବିଶେଷତା ହେଉଛି , ପଶୁ ବଳି ଏଠାରେ ଦିଆ ଯାଏ ନାହିଁ । ମନ୍ଦିରର ଚତୁର୍ଦ୍ଦିଗ ସମସ୍ତଙ୍କୁ ଉତ୍କୃଷ୍ଟ କରେ ଏବଂ ପୀଠର ଶାନ୍ତ ପରିବେଶ ଭକ୍ତମାନଙ୍କୁ
ଆକର୍ଷିତ କରିଥାଏ |
ଏହି ଶକ୍ତିପୀଠର ଅଧିଷ୍ଠାତ୍ରୀ ଦେବୀ ଭଟ୍ଟାରିକା ଅତ୍ୟନ୍ତ ପ୍ରତ୍ୟକ୍ଷ । ଦେବୀ ଭକ୍ତ ମାନଙ୍କର ଦୁଃଖ ହରଣ କରିବା ସହିତ ତାଙ୍କ ମନସ୍କାମନା ପୂରଣ କରିଥାନ୍ତି । ତେଣୁ ଭକ୍ତମାନଙ୍କର ଦେବୀଙ୍କ ପ୍ରତି ଗଭୀର ଶ୍ରଦ୍ଧା ଏବଂ ଅଟଳ ବିଶ୍ଵାସ ସରୂପ ଏହି ପୀଠକୁ ବହୁ ଦୂର ଦୂରାନ୍ତ ଅଞ୍ଚଳରୁ ଭକ୍ତ ନରନାରୀ ଅଭିଷ୍ଟ ସିଦ୍ଧି ଲାଭ ପାଇଁ ଆସନ୍ତି । ଏହି ମନ୍ଦିର ପରିସରରେ ବର୍ଷର ବିଭିନ୍ନ ସମୟରେ ବ୍ରାହ୍ମଣ ସମାଜର ବ୍ରତ ଉପନୟନ ସମ୍ପନ୍ନ ହୋଇଥାଏ ।
କିପରି ପହଞ୍ଚିବେ
ଦେବୀ ଭଟ୍ଟାରିକାଙ୍କ କରୁଣା ଏବଂ ଆଶୀର୍ବାଦରୁ ଭକ୍ତଜନମାନଙ୍କର ଅଭିଷ୍ଟ ପୂରଣ ହୋଇଥାଏ । ତେଣୁ ନିଶ୍ଚିତ ରୂପେ ମାଁଙ୍କ ଦର୍ଶନ କରି ଆଶିଷ ଲାଭ କରନ୍ତୁ । କୁମ୍ଭାରବନ୍ଧ ଗ୍ରାମ ଝାରସୁଗୁଡ଼ା ଜିଲ୍ଲା ମାତ୍ର ୪୦ କିଲୋମିଟର ଦୂରତାରେ ଅବସ୍ଥିତ । ଗ୍ରାମର ଏକ କ୍ଷୁଦ୍ର ପାହାଡ଼ ଉପରେ ମାଁ ଭଟ୍ଟାରିକାଙ୍କ ମନ୍ଦିର ସ୍ଥାପନ କରାଯାଇଛି । ଝାରସୁଗୁଡ଼ା ବସ ଷ୍ଟାଣ୍ଡ ରୁ କୁମ୍ଭାରବନ୍ଧକୁ ପ୍ରତିଦିନ ୪ ରୁ ୫ ବସ ଯିବା ଆସିବା କରେ । ଅଥବା ଝାରସୁଗୁଡ଼ା ସହରରେ ଗାଡ଼ି ଭଡ଼ାରେ ନେଇ କିମ୍ବା ନିଜ ଗାଡ଼ିରେ ଅତି ଶୀଘ୍ର ଗ୍ରାମକୁ
ପହଞ୍ଚି ମାଁଙ୍କ ଦର୍ଶନ କରି ପାରିବେ ।
Unnamed Road, Kumbharbandh, Odisha 768234
https://maps.google.com/?cid=4592848103514601960&entry=gps
Comments
Post a Comment